أنا وفضيلة الشيخ الشاعر ( عايض القرني )

هذه قصيدة الشيخ الشاعر ( عايض القرني )حفظه الله
والتي قالها في قبيلة هذيل ووجدتها صدفة مع بعض الإخوة
بعد فترة طويلة من كتابتها , فقمت بالرد على فضيلته وارسلتها له
وقد نوه عنها وأشاد بها في إحدى مقابلاته

باسم رب الناس نبدا على نهج الدلـيل=ننظم الابيات والسحر في قيفانها
نتبع المعصوم خير الملا الهادي الجليل=قرب المنبر وقال اهج يا حسانها
ما حلى الفنجان هيله يناغي الزنجبيل=في مقلط جلسة ٍ غايب ٍ شيطانها
الكسائي ماوزن شعرنا هو والخليل=القصايد عندنا ياعرب ميزانها
يا هذيل المجد فخر العروبة يا هذيل=للمكارم سوقها والعلا فرسانها
ابن مسعود العلم بدركم في كل ليل=والقبايل شرفت هامها تيجانها
هرجكم يا ربعنا خير من بنٍ وهيل=يا هذيل الشعر لو مااستوى ميدانها
يا هذيل العبقرية مع الراي الجزيل=يشهدون الناس عدنانها وقحطانها
الفصاحة عندكم كنها دجلة ونيل=غمركم قاد السفينة وهو ربانها
تلطمون الخصم يوم الفجيعة بالصقيل=الجماجم في لقاكم تعاف ابدانها
في الكتب تاريخكم قدحوى الذكر الجميل=يا هذيل انتم لشعر العب ديوانها
كل سامع شعركم في الهوى يصبح قتيل=كلموا مجنون ليلى يداوي جنانها
تطربون الصخر من فنكم حتى يسيل=والعيون الساهرة تشتكي لجفانها
كب شعر الفرس والروم واهل الدردنيل=واترك التقليد لو كان من يابانها
الصناعة سر والسحر في الفن الأصيـل=نفحة الند القوي فاح من عيدانها
باسم بلقرن العناصي وانا قصري طويل=وان جهلتم بيتنا فانشدوا عربانها
ما بديرتنا ذليلٍ ولا يربى بخيل=هم رجال الأزد تلقى الخطر باكفانها
والفخر بالدين ماهو ببيت ولا قبيل=والخلايق عند رب الورى ميزانها
بولهب في النار وبلال يسقى سلسبيل=قرت الحكمة وكل ٍ عرف حدانها
يا هذيل المرجلة جيتكم عابر سبيل=اتحفونها شربة الحب من نعمانها
في بلدكم يحرم الصيد في الشهرالفضيل=كعبة قد قصدناها وحن ضيفانها
والصلاة على الذي قد ولد في عام فيــل=أشرق العالم على دعوته واكوانها
الشفاعة له مع الحوض في اليوم الثقيل=الصحف للخلق بشمالها وايمانها

وهذا ردي المتواضع عليه

استعين الله ربي وهو نعم الوكيل=وأتنقّى زين الأبـيات في بــنيانها
مثل منهو ينتقي الزين من تمر النخيـل=يشتريها مـايهاب الغلا بـاثمـانها
هيّض الهاجس قصيدة من البحر الطويل=عن هذيل العبقرية وحــلو لسانها
صدفة حصلتها مير يا حـلو الحـصيل=نظم شيخٍ يتقن الــقافية واوزانها
عايض القرني ولا يجهلـه غير الـهزيل=مايبـا تعريف قمّـه رفيـعٍ شـانها
ينظم أبـياته على عرف وشعورِ نبـيل=والقصيدة تبـهر العقل من عنوانها
والله إنـك نور يلمع كما بـرق المخيل=إن وطى ديره يعم الحيا بــاوطانها
راس بـين الناس مرفوع والحسـّاد ذيل=حاسدينك تاكل كفوفها بـاسـنانها
أنت مـن مـولاك في عز والحاسد ذليل=تحـرقه ناره وتعمـيه مـن دخانها
إستخرت الله والله علـى خلـقه كفيل=السما والأرض يطوي جميع أركانها
عادة الـدنيا تقيل الـذي مـا يستقيل=زودها ما هو معادل بـعض نقصانها
عند رب الناس منصف عميلٍ من عميل=تظهر الحجـة ويظهر لها بــرهانها
والله إن النفس تشـتاق لك قبل الرحيل=كنت بعد الله على الخير خير أعوانها
إعطنـا مـن وقتك الغالي الشيّ القليل=ساعةٍ تسـلا بها الروح بين أخوانها
من جبال الكحل يكفي قليلٍ فوق مـيل=تسكن الأنظار ويعود نور اعيانها